🏛️ पंचायत समित्यांच्या सभापती पदांसाठी आरक्षण सोडत शुक्रवार, 10 ऑक्टोबर रोजी

Ajay Dhutade October 7, 2025

0 123 1 minute read

नांदेड, दि. 6 ऑक्टोबर 2025 –
नांदेड जिल्ह्यातील 16 पंचायत समित्यांच्या सभापती पदांसाठी राखीव जागांची सोडत शुक्रवार, 10 ऑक्टोबर 2025 रोजी दुपारी 3 वाजता जिल्हाधिकारी कार्यालयातील नियोजन भवनात काढण्यात येणार आहे.

ही सोडत जिल्हाधिकारी राहुल कर्डिले यांच्या अध्यक्षतेखाली पार पडणार असून, सर्व इच्छुक नागरिक, जनप्रतिनिधी व संबंधित अधिकाऱ्यांना या वेळी उपस्थित राहण्याचे आवाहन करण्यात आले आहे.

🔹 सोडतीचे स्वरूप व प्रवर्गनिहाय आरक्षण तपशील

राज्य शासनाने दिलेल्या निर्देशांनुसार अनुसूचित जाती, अनुसूचित जमाती, नागरिकांचा मागास प्रवर्ग आणि सर्वसाधारण प्रवर्गातील पुरुष व महिला यांच्यासाठी खालीलप्रमाणे आरक्षण निश्चित करण्यात आले आहे:

प्रवर्ग	राखीव जागांची संख्या
अनुसूचित जाती	2
अनुसूचित जाती (महिला)	1
अनुसूचित जमाती	1
अनुसूचित जमाती (महिला)	1
नागरिकांचा मागास प्रवर्ग	2
नागरिकांचा मागास प्रवर्ग (महिला)	2
सर्वसाधारण	3
सर्वसाधारण (महिला)	4
एकूण जागा	16